السبب الرئيسي في اسعاد الناس
سر السعادة
السلام عليكم ورحمة الله وبركاته.
في المقالة دي ان شاء الله حنتكلم عن السبب اللي بيخلي الناس سعيدة الا وهو الرضا ؛ الرضا احباب رسول الله “صلي الله عليه وسلم" من اعظم العبادات في الإسلامَ وأجلها وهو سبب رئيسي في سعادة الناس وراحة بالهم .
إرضي بما قسم الله لك تكن أغني الناس.
القناة كنز لا بفني.
الرضا بالمقسوم عبادة.
الناس بتبص علي الكلام ده انه اقوال مأثوره ،عبارة عن شوية ناس كانوا قاعدين فاضيين بيقولوا شوية شعرات فارغة،وخصوصا اغلب الشباب دائماً بيقولوا سيبك من الكلام ده.
وللأسف الشديد:دلوقتي الشباب بيقولك يا عم قناعة آيه و رضا آيه اللي انت جاي تتكلم فيه،انا عايز حاجه عملية حاجة علي أرض الواقع مع ان أغلب الشباب دلوقتي مبيعملش حاجه في حياته علي أرض الواقع غير الحاجات التافهه و الفارغة زي سماع الاغاني الخارطة.
قلة المصلين من الشباب.
عمل الفيديوهات الهابطة.
الواحد من هؤلاء يتاجر بمراته او امه علشان خاطر شوية فلوس و تناسي رجولته وانه راجل شرقي و تناسي دينه الا من رحم ربي و في ناس كتييييير قوي متابعين ليهم ولا يعلمون ان كما تدين تدان.
الجري وراء البنات و العري كأنه كلب بيجري وراء حتى عظمة.
بقي الشباب عنده التافه مهم ، والمهم شئ ملوش لازمة.
هنا نقف شوية:
تعال بقي أحب أقولك كلمة دائما الدكتور عمر عبد الكافي بيكررها و لو مش عارف مين الدكتور عمر عبد الكافي أحب أقولك فايتك كتير بس ابحث عنه أو قولي في الكومنتات و أنا اعمل مقالة مخصولة أقولك فيها مين هو العلامة الدكتور عمر عبد الكافي ، آيه هو اللي قالة بقي “عطاء الله عطاء، و منع الله خير العطاء"
إزاي بقي؟
انت بتقول العطاء يبقي عطاء ماشي إنما ازاي المنع يبقي عطاء .
متستعجلش علي الحكم و كما:
معني “ عطاء الله عطاء ” أظن دي مش محتاجه شرح كتير أنت لما تدعي ربنا سبحانه و تعالي بحاجة انت بتتمناها و ربنا يبقي عارف ان فيها خير ليك و يدهالك فده هو عطاء الله عطاء و ممكن يبعتلك حاجه انت عمرك ما دعيت بيها و لا جت حتى في بالك وتلاقي ربنا يبعتها لك علشان هي خير ليك .
تيجي بقي الجزء المحير" منع الله خير العطاء":
إنت لما تتمني ان ربنا يديك حاجه معينة ،و تعمل كل حاجه علشان توصلها و تفضل تدعي ربنا ليل و نهار علشان ربنا يرزقك بالحاجة دي وتتفاجأ بعد كل ده ربما ميرزقكش بيها او يرزقك ببديل لها ساعتها ربنا منع منك شر انت مش قده و متقدرش تشيله ، و في حديث عن النبي “صلي الله عليه وسلم” يقول : ( لو اطلعتم علي الغيب لإختارتم الواقع).
و ربنا سبحانه و تعالي في القرآن الكريم : ( لا يكلف الله نفسا الا وسعها).
فربنا سبحانه و تعالي مش هيديك حاجه تكون حمل عليك و تكون سبب بأسك فإرضي باللي ربنا ادهولك و افرح به، ساعتها بس حتعرف ان ربنا سبحانه و تعالي دائما بيختار الأحسن ليك، و ربنا سبحانه و تعالي قال في القرآن الكريم: ( و يدع الانسان بالشر دعاءه بالخير و كان الانسان عجولا).
الانسان دايما بيدعي ربنا سبحانه و تعالي و الدعاء في حد ذاته شئ جميل جدا بس ساعات بنفضل ندعي ربنا كتير و ربنا سبحانه و تعالي مش بيستجيب أو احنا اللي فاكرين كده انما ربنا سبحانه و تعالي عارف الأفضل ليك علشان كده بيأجلك اللي انت عايزه لوقته و أختم:
(إرضي بما قسم الله لك تكن أغني الناس)
