إزاي احفظ بقراءة القرآن
بسم الله،
ازاي تلتزم بورد قرءان؟
خلينا متفقين في الأول إن المسلم ورده من القرءان مش مُجرد تلاوة فقط لورد
-وإن كان الثبات عليه صعب-
لكن المفروض يكون له في أسبوعه على الأقل:
-ورد يومي من التلاوة
-ورد من التفسير والتدبر -حتى لو مش يومي-
-ورد حفظ
-ورد للمراجعة
ورد سماع
طبعا لما هقول كدا حد يقولي هو أنا عارف ألتزم بورد تلاوة عشان ألتزم بكل دا؟
هقسها بمقياس على فعل معين كنت بعمله.
في فترة في حياتي كنت بعمل شيء معين كل يوم في ساعة معينة ودقيقة معينة
ف تلقائي بعد كم يوم كنت بعمل العمل دا تلقائي لما الوقت يجي.
.هنا عقلنا لما بيقوم بفعل متكرر لفترة معينة بيتعود .
عليه
زي الصلاة مثلًا لو قعدت فترة تأخر صلاة المغرب مثلًا بعد فترة دماغي وعقلي بيتبرمج على تأخير المغرب.
وهكذا عقلنا لما بيتعلق بوقت معين مع فعل معين بيصبح كروتين لذلك يقولك عشان الفتور ميتمكلش منك لازم تكسر الروتين دا بتغيير مكان بفعل الفعل بشكل مختلف
نرجع بقا للورد
لو قولت لحد اقعد اقرأ ٥ أجزاء يوميًا
هيقولك ٥ هو أنا عندي وقت؟
دا يا دوب أجيب وجهين بالعافية والله المستعان
لكن لو قولت لحد اقعد اقرأ ساعة ونص كل يوم قرءان هيلاقي عنده في اليوم ساعة ونص فعلًا فاضيين للورد!
أكيد لو حد مش عنده ورد يروح يقرأ ٥ أجزاء لا
بداية ١٠ دقايق ما يعادل ٥ أوجه قراءة بتركيز ومرور على الآيات
وكل أسبوع نزود ٥ دقايق
وهكذا ويبقى متفرق على اليوم نعمل منبه .
ونلغي كل حاجة ونقعد نقرأ.
المهم زي ما قولنا هنلتزم بوقت معين سواء متجمع أو متفرق على أساس اليوم
وكل فترة نغير في شيء عشان الفتور.
واحنا داخلين على رمضان على وقتها تكونوا بتختموا ٣ مرات في الشهر
باقي الأوراد نفس الفكرة بالظبط
-الحفظ والمراجعة نمشي مع معلم يعملنا خطة نمشي عليها بحذافيرها عشان تحفظوا حفظ متقن.
-السماع مثلًا ختمة كل ٦٠ يوم
قسموا وقت الحزب على اليوم أو شغلوه وأنتم بتعملوا شغلكم عادي.
-التفسير والتدبر لو قرأنا آيتين في الأسبوع وفهمنا شرحهم وطبقناه في حياتنا دا
كافي لصلاح حال المرء لوحده حقيقة
أو مثلًا، نحدد يوم في الأسبوع نعيش مع وجه واحد أو وجهين ونتدبرهم ونسمع عنّهم ونعمل بيهم
طبعا دا كبداية وتزيدوا بعد كدا.
مينفعش نموت واحنا بنمر على المصحف من رمضان لرمضان!
أو وعلاقتنا بيه كلها في ورد تلاوة مش بنجيبه غير كل فين وفين!
واكررها أنا لم أرَ صلاح في حالي غير لما بدأت في طريق القرءان!🌿
