العنوان الرئيسي انسخيه:* دعاء ليلة الامتحان لثانوية عامة 2026 مجرب ومستجاب باذن الله

                                          دعاء لليله الامتحان    

ليلة امتحان الثانوية العامة 2026 هي الليلة اللي بتحدد مصير تعب 12 شهر كاملين من الدروس والمذاكرة والسهر، كل طلاب دفعة 2026 دلوقتي حاسين بنفس القلق وانهم ناسيين كل حاجة رغم انهم مذاكرين، وده احساس طبيعي جدا بيجي بسبب التوتر، وعشان كده انا جمعتلك النهاردة مش مجرد كلام يطمنك، لا انا جايبالك ادعية بالنص وجدول عملي بالساعات تمشي عليه ليلة الامتحان عشان تدخلي اللجنة وانتي مركزة.

اولا دعاء ليلة الامتحان المستجاب قولي الادعية دي بترتيب:

1 - دعاء قبل ما تبدأي مراجعة خفيفة: اللهم لا سهل الا ما جعلته سهلا وانت تجعل الحزن اذا شئت سهلا، قوليها 3 مرات.
2 - دعاء عند النسيان وده اهم واحد: اللهم يا جامع الناس ليوم لا ريب فيه اجمع علي ضالتي، ردديه لو نسيتي معلومة في المراجعة.
3 - دعاء قبل النوم مباشرة: اللهم اني استودعك ما قرأت وما حفظت وما تعلمت فرده الي عند حاجتي اليه انك على كل شيء قدير.
4 - دعاء دخول اللجنة الصبح: رب ادخلني مدخل صدق واخرجني مخرج صدق واجعل لي من لدنك سلطانا نصيرا.

ثانيا خطة ليلة الامتحان العملية من 8 مساء لـ 6 صباحا:

من الساعة 8 لـ 9 ونص مساء راجعي ورقة القوانين والخرائط الذهنية فقط، اوعي تفتحي درس جديد او كتاب الشرح الكبير لان مخك مش هيستوعب.
من 9 ونص لـ 10 حلّي سؤالين فقط من امتحان السنة اللي فاتت عشان تثبتي المعلومة وتشوفي شكل السؤال.
الساعة 10 قومي اتوضي وصلي ركعتين قضاء حاجة وادعي بالادعية اللي فوق بقلب صافي.
من 10 وربع لـ 11 جهزي ادواتك، قلمين جاف ازرق، بطاقتك، رقم الجلوس، وازازة مية، ونامي الساعة 11 بالظبط.
اصحي 5 الفجر صلي الفجر وراجعي نظرة سريعة على القوانين 20 دقيقة بس وافطري حاجة خفيفة.

ثالثا 3 اخطاء اوعي تعمليها ليلة الامتحان:

الخطأ الاول شرب القهوة والنسكافيه والشاي التقيل بعد الساعة 8، هيزود ضربات قلبك ويطير النوم.
الخطأ التاني تفضلي في جروبات الواتس والتليجرام بتاعة التسريبات، كلها كدب وبتوترك على الفاضي.
الخطأ التالت المراجعة في التليفون مع صاحبتك، كل واحدة هتقول معلومة تلخبط التانية وهتدخلوا متوترين.

رابعا في النهاية

 افتكري ان ربنا مش بيضيع تعب حد، انتي ذاكرتي وعملتي اللي عليكي طول السنة، ادخلي اللجنة وسمي الله وابدأي بالاسئلة السهلة وسيبي الصعب للاخر والوقت هيكفي باذن الله.

ليلة امتحان الثانوية العامة 2026 صعبة وكل الطلاب قلقانين. قولي للهم لا سهل الا ما جعلته سهلا، وراجعي القوانين فقط من 8 لـ 10، صلي ركعتين ونامي 11، اصحي الفجر، ادخلي اللجنة وسمي الله وابدأي بالسهل وربنا هيوفقك ويحقق أحلامك   لي من سعي   يفوق الله  ونشكر الله