الحلقة الثلاثون من قصة فارس الاسلام

الحلقة الثلاثون من قصة #فارس_الاسلام

عدت الايام ودخلنا في السنة الثانية عشر من الهجرة النبوية
ودي بقى سنة مليانه بالاحداث!
جه وقت الحج بتاع الجاهلية، والست رجاله اللي آمنوا بالنبي الحلقة اللي فاتت بقوا 12 ياعني زادوا ستة بردوا
كلهم جم للنبي وقت الحج يشوفوه! !
قعد معاهم النبي وهو فرحان وبدأ يتفاوض معاهم انهم يفضلوا مسلمين ويدعوا للاسلام في اهلهم ويظلوا متمسكين بدينهم ونصرة دينهم ودي اسمها
بيعة العقبة الاولى واتسمت الاسم ده
لانهم كانوا قعدين عند منطقة العقبة اللي موجوده في منى '
واتسمت الاولى عشان فيه بيعة تانية هتحصل بعدين! !
ومع ذالك النبي لسه مطلبش منهم الحماية، وقال عشان متقلش عليهم ،غير كده عشان اصلا هما مش من مكة
هيعملوا ايه وهما من يثرب وكانوا 10من الخزرج واتتين من الاوس ..
فعددهم صغير جدا انهم يشتالوا المسؤلية دي! !
فالنبي صل الله عليه وسلم سابهم عشان العدد يزيد ويزيد لحد مايوصل انهم يكونوا اقوى بكتير من اهل مكة
ساعتها ممكن يحملهم مسؤلية الدفاع عنه وعن دين التوحيد !!

وشروط البيعة دي عرفهالنا عبادة ابن الصامت
اللي حضر بيعة العقبة الاولى وقال ان شروط البيعة من النبي صل الله عليه وسلم كانت بسيطة ولكنها عميقه ومكانش فيها حرب ولا جهاد ولكن الشروط دي هتكون سبب في بناء المجموعة دي اللي هتكون بمثابة القاعدة الاولى للاسلام والاساس اللي هيتبنى عليه امة كاملة والشروط على لسان عبادة ابن الصامت هي:

البند الأول: على أن لا نشرك بالله.

البند الثاني: ولا نسرق.

البند الثالث: ولا نزني.

البند الرابع: ولا نقتل أولادنا.

البند الخامس: ولا نأتي ببهتان نفتريه بين أيدينا وأرجلنا.

البند السادس: ولا نعصيه في معروف.

والجزاء: (فإن وفيتم فلكم الجنة، وإن غشيتم من ذلك شيئاً فأمركم إلى الله عز وجل، إن شاء عذبكم وإن شاء غفر لكم).

وطبعا طبعا لو جينا نشرح كل بند هتلاقينا مباشرة بنصب في دايرة الاخلاق !
ياعني الشرط الاول وهو عبادة الله وحده بدون ماتحط شريك بينك وبينه ،لان ده طبعا هو الكفر ..
والثاني والثالث والرابع والخامس. دول فواحش ومنعهم من ارتكابها ده شئ عظيم انهم يكونوا اصحاب اخلاق عالية ورفيعه
قادرين بعد كده يشتالوا مسؤلية الدعوه للاسلام، بالاخلاق الحميدة

والبند الاخير ده لو بصناله هنقول طيب ماهو النبي مش بيأمر غير بالمعروف! !
لكن النبي قال كده من باب انه مهما حصل من اي حد ماتعملوش غير الحاجة اللي ترضي الله عز وجل
فالقاعدة الاساسية لبناء امة اسلامية حقيقية هي
"لا طاعة لمخلوق في معصية الخالق"
واكيد طاعة النبي هتكون في معروف لانها طاعة لله عز وجل ....
يتبع....