الحلقة اثنين وثلاثين من قصة فارس الاسلام
الحلقة اثنين وثلاثين من قصة #فارس_الاسلام
رجعوا الـ 12 رجل ومعاهم مصعب ابن عمير لـ يثرب
اللي اختلفت تماما عن قبل كده
لان كانت قبل كده عامله زي بحر الدم
بسبب الحروب الدائمة بين الاوس والخزرج للاسف
المهم اول ما وصلوا، عملوا زي منظمة كده تخصهم!
ومصعب ابن عمير راح في استضافة اسعد ابن زرارة الخزرجي“
كان اسعد رضي الله عنه شاب من الانصار قبل التلاتين من عمره
لكنه كان اعلم اهل المدينة، كان عارف كل بيت واصله وفصله
ومش بس كده ،لااا
ده كان عارف كل واحد وعمره وكل شارع وكل مكان'
واحنا قلنا ان مصعب كان عنده علم كبير جدا، لكن مكانش يعرف اي حاجة في المدينة!
فطبعا طبعا لو راح لواحد عارف كل صغيره وكبيره في المدينة، يبقي منظومة العلم اكتملت!
فهما كملوا بعض، وصحبتهم كان فيها منفعه كبيره جدا، وخير عظيم للدعوة الى الله عز وجل “
فبدا بقى اسعد ياخد مصعب ويلفوا المدينة حتة حتة، ويخبطوا على باب باب
ويقعدوا مع واحد واحد
اسعد يعمل اللي عليه، انه يعرف مصعب بالشخص اللي قدامه والعكس
ومصعب يعمل اللي عليه بإنه يعرفهم الدين الاسلامي، ويجاوبهم علي اسئلتهم، ويحببهم في ذين الله عز وجل
والحلو في الموضوع
ان اسعد مراحش بس للخزرج، لااا
ده راح بمصعب برده للاوس، ودي طبعا كانت قبيلة معادية له
لكن هو نسي الخلاف
في سبيل الدعوة الى الله عز وجل، وفي سبيل نصرة الدين الاسلامي، ونصرة نبي الله المصطفى “
وفي يوم وهما الاتنين بيدعوا للاسلام، راحوا لحديقة الاوس
وفضل اسعد يجمع كل اللي يقابله، عشان يسمعوا مصعب وهو بيخطب
وبدأ يقرأ عليهم القرءآن...
وطبعا سادات الاوس وزعماؤها قاعدين في الحديقة وكان منهم اسيد بن حضير وسعد ابن معاذ
وكانوا لسه مشركين
اول ما سمع سعد ابن معاذ بحكاية مصعب واسعد ،اتضايق جدا
وكان غضبان جدا، وقام عشان يوبخهم، افتكر ان اسعد يبقى ابن خالته
فقعد تاني ،وراح قايل لـ اسيد ابن حضير
روح انت للاتنين دول اعمل فيهم مابدالك، عيزك تهزقهم ،عشان شكلهم جاين يقلبوا حياتنا ،ولولا ان اسعد يبقي ابن خالتي، كنت جيت معاك بهدلتهم!
قام بقى اسيد وهو جايب اخره من كلام سعد ابن معاذ
وخد السلاح بتاعه وراح لهم..
اول ماشافه اسعد، مخافش ولكن وشوش مصعب وقاله
هذا سيد قومهم، فاصدق الله فيه!
وده معناه انه بيتمني ان قلب اسيد يتفتح للاسلام، ويكلمه مصعب بمنتهي الاخلاص عشان فعلا يأسلم!
رد عليه مصعب وقال
لو جلس هكلمه ..
دخل عليهم اسيد ومستعد يقاتلهم ويتخانق معاهم ..
وقال:
انتم جاين تقلبوا علينا حياتنا!!
لو خايفين على نفسكم امشوا من هنا!
رد مصعب بمنتهى الهدوء والبشاشه وقال:
اسمع لنا، لو معجبكش كلامنا هنمشي من سكات "او كما قال"
رد اسيد وقاله ماشي وقعد وهو ساند علي سلاحه"
فبدأ مصعب يتلوا عليه القرءآن الكريم!
اتغير وجه اسيد 180 درجة ، وبانت علي ملامحه السكينة والاطمئنان
حتي ان اسعد قال:
راينا في وجهه الاسلام من اشراقه،قبل ان يتكلم!
رد اسيد وقال.....
يتبع ....
