هجرة الذنوب ( تطهير القلب )

مشكلة بتواجه معظم الناس

كتير مننا مش بيحس بالخشوع او اللذه بالعباده ، بتشوف الناس بتبكي بمجرد ما يسمعوا القرآن او يدخلوا في الصلاة لدرجة انك مش فاهم هو اشمعنا انا معنديش الخشوع ده ، واشمعنا انا مش ببكي معاهم ، السبب المختصر لكدا ان القلب بيكون قاسي من كتر الذنوب

يعني اي قسوة القلب 

انا لما اقول ان قلبك قاسي انا كدا مش بمدحك ، او بقول انك شجاع ولكن القسوة الي قصدي عليها انك فقدت الخشوع وقلبك بقي قاسي علي كلام رب العالمين لانك ببساطة اتعودت علي الذنوب والقلب اتلوث وبقي اسود ، فطبيعي متحسش بالخشوع 

الخشوع 

الخشوع هو جنة الله في الارض ، بتكون عايش في جنة وكمية متعة لا توصف في عبادة الله _ جل جلاله _ { الا بذكر الله تطمئن القلوب }  فمن حرم تلك اللذه فقد حرم خير كثير ، ولكن كيف نعيد هذا الخشوع وهذه النعمة الي قلوبنا ؟

علاج قسوة القلب

لما بتتعود علي الذنوب قلبك بيطبع فيه نقطة سودا مع كل ذنب ، وبعدها صعب جدا ان قلبك يرق في العابده ، وبعد متتعالج وطهر قلبك هتحس بلذه فريدة من نوعها 

1- التوبة  : ومن شروط التوبة انك مترجعش للذنب تاني وتندم علية ، ذكر الله والالتزام في الصلاة في وقتها  بيساعدوك علي البعد عن المعاصي 

2- عبادة غض البصر (عبادة العصر ) : مفتاح القلب هو العين ،و في عصرنا الحالي سهل جدا ان تعصي ربك بعينك ، حيث ان فالشوارع كثرت النساء المتبرجات والملفتات ، فمنهم من يظهر مفاتنه ومنهم من يرش العطور ، وكما ان اي شخص وهو في منزله يقدر يشاهد  اشياء غير لائقة وخادشة للحياء بدون مجهود واقل وقت ، ولذا عبادة غض البصر والتحكم في الشهوة هي عبادة العصر ، وكما قيل ( خلق الله الحيوانات شهوة بلا عقل ، وخلق الله الملائكة بالعقل بلا شهوة ، وخلق الانسان بالعقل والشهوة ، فمن استسلم لشهوته واهمل عقله فينزل ويهبط الي منزلة الحيوان ، ومن تحكم بشهوته وارتقي بعقلة يرتقي ويعلوا الي منزلة الملائكة ) … فمن الضروري ان تتحكم بشهوتك وتغض بصرك لأننا كما قلنا العين مفتاح القلب ، وكا قال الله  - جل جلاله - { قُل لِّلۡمُؤۡمِنِينَ يَغُضُّواْ مِنۡ أَبۡصَٰرِهِمۡ وَيَحۡفَظُواْ فُرُوجَهُمۡۚ ذَٰلِكَ أَزۡكَىٰ لَهُمۡۚ إِنَّ ٱللَّهَ خَبِيرُۢ بِمَا يَصۡنَعُونَ (30) وَقُل لِّلۡمُؤۡمِنَٰتِ يَغۡضُضۡنَ مِنۡ أَبۡصَٰرِهِنَّ وَيَحۡفَظۡنَ فُرُوجَهُنَّ وَلَا يُبۡدِينَ زِينَتَهُنَّ} فتحكم بعينك وغض بصرك ليبقي قلبك نقي وتقوي ارادتك وعزيمتك في وسط كل المغريات الي حولانا وقتها هيكون عندك ارادة حديديه .

خلاصة العلاج  

عبادة غض البصر هتحافظ علي القلب من القسوة  

 

التوبة بتطهر القلب بالعبادة والصلاة والتسبيح 

يعني معاك الحاجة الي هتنضف قلبك والي تحافظ علية نضيف

وفي النهاية 

  بلاش تستسلم للمغريات الي حوليك وكل متيجي تقع استعيذ بالله من الشطان والسلام عليكم ورحمة الله وبركاته