رحلتي إلى مكة وأنا لا أملك المال
رحلتي إلى مكة وأنا لا أملك المال
كيف رزقني الله بالعمرة من حيث لا أحتسب
كنت أظن أن العمرة مستحيلة لأنني لا أملك المال لكن بدعوة وصلاة على النبي وصلاة الحاجة رزقني الله زيارة بيته الحرام أنا وأمي
مقدمة
الحلم اللي كان مستحيل
من وانا صغير ونفسي أشوف الكعبة بعيني مش في الصور
بس كل ما أحسبها ألاقيها مقفلة شغل ومرتب يدوب مكفي البيت
وتكلفة العمرة ده أنا حتى مكنتش معايا تمن جواز السفر
كنت بقعد بالليل أبص للسما وأقول يارب ازاى انا معرفش ازاي
بس كان في حاجة جوايا بتقولي ادعي هو قادر
الخطوة الأولى
الصلاة على النبي وصلاة الحاجة
قررت أسيب ازاى على جنب وأمسك في يارب
بقيت أصلي على النبي طول اليوم وانا في المواصلات وانا في الشغل قبل ما انام حرفين في قل وقت
اللهم صل وسلم وبارك على سيدنا محمد بقت على لساني 24 ساعة
وفي يوم اتوضيت وصليت صلاة الحاجة كعتين
وسجدت وقلت لربنا يارب انت عالم ان نفسي في بيتك دبرني تدبير يليق بكرمك
قمت من السجدة وانا مرتاح حاسس ان في حاجة هتحصل
المعجزة كلمة من أمي غيرت كل حاجة
تاني يوم وانا قاعد مع امى قالتلي
يا ابني جهز جواز السفر هتطلع معايا العمرة
سكت مخي وقف
من الفرحه ولجبر ربنا ليا
في اللحظة دي فهمت معنى ويرزقه من حيث لا يحتسب
والله ما كنت مصدق فضلت اعيط من الفرحة
وسافرنا الي اطهر بقاع الارض
في مكة: رزقني الله بأحلى صحبة
وصلنا مكة أنا وأمي أول ما عيني جت على الكعبة نسيت الدنيا كلها
نسيت الفلوس ونسيت الهم ونسيت كل حاجة.
وهناك ربنا رزقني بأربع شباب زي الورد.
اتعرفنا في الفندق قعدنا نتكلم لقينا ظروفنا واحدة بالظبط
كلنا كنا بنقول "نفسنا نطلع وممعناش وكلنا ربنا رزقنا بطريقة مختلفة
بقينا 15 أيام اخوات بنصحى نصلي الفجر سوا بنطوف سوا وبندعي لبعض في السجود
عرفت ساعتها ان ربنا مش بس استجاب لدعائي ده كمان بعتلي صحبة تعيني.
دروس اتعلمتها من رحلتي إلى مكة بدون مال
النية أهم من الفلوس
طالما نيتك صادقة ربنا هيوصلك هو اللي قال وعد علي نصرهم وانت رايحله.
مفاتيح الفرج الاستغفار والصلاة على النبي
والله ما ببالغ كتر الصلاة على النبي بتفتح الأبواب المقفلة وجرب صلاة الحاجة وانت قلبك موجوع.
دعوة الأم مستجابة
رضا أمي ودعائها هما اللي وصلوني اوعى تزعل أمك لو نفسك في حاجة
نصيحة لكل مشتاق للعمرة
لو بتقرا دلوقتي ونفسك في العمرة بس بتقول ممعيش
بقولك اسمع مني أنا كنت مكانك.
ابدأ بالدعاء اللهم ارزقني زيارة بيتك الحرام
الزم الاستغفار والصلاة على النبي100 مرة الصبح و 100 بالليل
صلي صلاة الحاجة واشكي لربنا
الخاتمة
رجعت غني
أنا سافرت مكة وأنا لا أملك المال
ورجعت منها أغنى إنسان غني برضا ربنا وبدموعي في الحرم وبصحبة صالحة
اللهم ارزق كل مشتاق زيارة بيتك الحرام عاجلاً غير آجل ولا تحرم أحد من الوقوف بين يديك
