العلاقات المُحرَّمة وأسبابها.

 

ازاى بتبدأ أى علاقة مُحرَّمة

بتبدأ اى علاقة مُحرَّمة غالباً من بابين رئيسيين

(ويوجد بابب ثالث وهو الأخطر سنتحدث عنه فى مقال آخر مُفصَّل)

البابين الرئيسيين:-

1-ولد يدخل يبعتلك على اى موقع من مواقع التواصل الإجتماعى.

2-تكون ليكى صاحبة مش كويسة وبتصاحب شباب فبتشدك للطريق ده معاها.

الباب الأول:-

إنتى بتكونى عادى جدا مش فى علاقات ولا بتفكرى تدخلى ولا بتدورى ازاى تدخلى علاقة مُحرَّمة فيجى شاب يبعتلك على اى موقع من مواقع التواصل يقولك عامله اى فإنتى تردى وبعدها تسأليه مين هيقولك انا فلان فهتسأليه جبت رقمى منين من الحتة دى انتى كدا فتحتى الباب بإيدك هيرد وسؤال هيجيب سؤال لحد اما تلاقى عدى يجى أربع او خمس ساعات بتتكلموا هتيجى تانى يوم تتكلموا وكل يوم هتقولى اخر يوم والله وبتفضلى عايمه بقا انتى بتبدأى تتعلقى فهو يقولك أنا بحبك وانتى تقوليلوا وانا كمان من هنا حيائك بيبدأ يروح تبدأى تحكيله أسرار صحابك وأسرار بيتك وأسرارك الشخصية نفسها وتبدأى تبعتيلوا صورك وانتى فى البيت وبتبدأى تبعدى عن اهلك واصحابك وبتبقى ماسكه فونك طول الوقت مستنياه وبتبدأ علاقتك بربنا تضيع ومبتبقيش قادرة تعملى اى حاجه فى حياتك وممكن يطلب منك تنزلوا مع بعض ويمسك ايدك وده كدا بتقربوا للزنا وربنا نهانا عن كدا وكمان بتعيشى فى دوامة الخوف بتخافى اى حد يمسك تليفونك بتخافى اى حد من عيلتك يعرفوا وبتبدأ سمعتك تبقى مش كويسة تقولى ازاى ده محدش عارف بالعلاقة دى غيرى انا وهو وصاحبتى المقربة اوى وهى عمرها ما هتفضحنى؟ 

ما هو اكيد هيحكى لصاحبه المقرب ولكل عزيزٍ عزيز وسمعتك هتبقى فى الأرض ويعدى خمس شهور أو سبع شهور انتى طبعا اتعودتى خلاص عليه ومفكَّرة انه بيحبك يبدأ هو بقا يتعامل معاكى ببرود وبزهق وشوية شوية يقولك انا عاوز انهى العلاقة دى وانتى هتبقى عاوزه تفضلى محافظة على العلاقة دى وتتنازلى عن مبادئ كتييرة وهتتنازلى عن كرامتك وهتبدأى تعتذرى على حاجات انتى ملكيش ذنب فيها اصلا وهيبدأ يعاملك كإنك انتى اللى محتاجه هتبدأ انتى من نفسك تبعدى وتنهى العلاقة او هو ينهيها خالص وميتكلمش معاكى وانتى بتدخلى فى دوامة الإكتئاب والزعل ومن هنا بيبدأ شعورك بالندم علاقة هتقعدى سنين تتعافى منها وبرضو هتفضل توجعك هتقعدى سنين عشان ترجعى لطبيعتك كل ده عشان سبع شهور بس والموضوع بيبقى صعب عليكى اوى فى حين انه بيكون مش فارقله اى حاجه وعايش طبيعى جدا وكمان قبل كل ده لازم تفتكرى ان ربنا نهانا عن الفعل ده قوله سبحانه وتعالى {وَلا تَقْرَبُوا الزِّنَى إِنَّهُ كَانَ فَاحِشَةً وَسَاءَ سَبِيلاً} [الإسراء: 32]. كمان بتضيعى ثقة أهلك فيكى حتى لو معرفوش بالعلاقة دى بس انتى هتحسى بشعور الذنب ده وفيه بنات بتحصلها كوارث بسبب الموضوع ده فبلاش يا بنوتات وخليكوا عسلات كدا وافتكرى إنك غالية جدا بيتقدملك العريس وانتى تفكرى وبيدفع وبيطلع عينه عشان بس يشوف شعره منك وانتى بتوفرى عليه كل ده وبتديلوا اللى هو عاوزه ببلاش فإعرفى قيمة نفسك انتى عشان تدى للراجل احتياجاته بيتعملك ميثاق غليظ ف ليه ترخصى نفسك يا غالية وخليكى عارفه كويس الراجل اللى بجد بيدخل الباب من بيته مش بيدخلك من المواقع فحافظى على نفسك يغالية وربنا يهديكم ويحفظكم🤍. 

طيب أقفل الباب ده ازاى؟

سهل جدا اول ما شاب يبعتلك على أى موقع من مواقع التواصل الإجتماعى تعملى بلوك علطول مترديش اصلا عليه ولو بعت واتساب ومش مسجل رقمه اسألى مين عشان ممكن تكون صاحبتك مثلا قالك اسمه ولد او مثلا اعتبرينى تغيير جو او اى كلام من الكلام الفاضى ده بلوك علطول ومتفتحيلهوش مجال للكلام فهمتى🥰🤍.

الباب التانى:-

بيبدأ الباب التانى اما يكون عندك صاحبة مُتعدِّدة العلاقات وانتى سامحه لنفسك انك تقربى منها فطبيعى هتأثر فيكى حتى لو انتى عارفه انه حرام وهتحصلك مشاكل بسبب الارتباط هتأثر فيكى برضو لذلك اوصانا رسول الله صلى الله عليه وسلم فى قوله:-"المرءُ على دين خليله فلينظر أحدكم إلى من يُخالل" صاحبتك دى هتبدأ توسوسلك وتقنعك بطرق غير مباشرة إنك تصاحبى زيها وواحده واحده هتلاقى نفسك بتصاحبى وعادى ومش بس هتأثر عليكى فى انك ترتبطى لا فى كل حاجه هتبدأ تشدك معاها لطريق الإنحراف والباب ده أسوأ من الأول وهيحصلك فيه نفس اللى شرحتهولك فى الباب الأول وممكن كمان تحصلك مخاطر أكتر من كدا فعشان كدا ابعدى عن الطريق ده وحافظى على نفسك.

خُلاصة الكلام اى؟!

1-تعملى بلوك لأى شاب يحاول يكلمك ومتسيبيلهوش مجال للكلام.

2-تبعدى عن أى صاحبة مًتعدِّدة العلاقات.

 

«انتظروني في المقال القادم لشرح الباب الثالث والأخطر: أسبابه، أضراره، وكيفية التعافي منه تماماً.»