ولسوف يعطيك ربك فترضى

ولسوف يعطيك ربك فترضى

 الرسالة دي ليك انت 

سألت نفسك في يوم ايه معني قوله تعالى “ ولسوف يعطيك ربك فترضى ”

تعال نشوف معناها ايه 

ربنا لما يقول "سوف" ده تأكيد للمستقبل، يعني العوض جاي جاي، مهما اتأخر. و "فترضى" يعني مش هيعطيك على قد ما تحتاج، لا، هيعطيك لحد ما قلبك يرضى وينسى كل وجع فات.

الآية دي نزلت بعد قوله تعالى "مَا وَدَّعَكَ رَبُّكَ وَمَا قَلَىٰ" يعني ربك عمره ما سابك ولا نسيك، حتى في أكتر لحظاتك ضلمة، هو معاك وشايفك.

ازاي نعيش بالآية دي؟

*1. الصبر مش نهايته صبر، نهايته رضا:* كل ابتلاء بتمر بيه هو تجهيز للعطاء الكبير اللي جاي.

*2. حسن الظن بالله:* ما دمت تدعي وتسعى، فعطاؤه قادم، حتى لو كل الأسباب بتقول عكس كده.

*3. الرضا هو المفتاح:* ارضي بما قسمه الله لك الآن، يرضيك بأكثر مما تمنيتي غداً.

افتكري دايماً أن الله يعطي بكرم لا ينقطع، فإذا أعطى أدهش. فاللهم ارزقنا عطاءً حتى نرضى، ورضاً حتى نطمئن.

 لماذا قال "ربك" ولم يقل "الله" ؟

قال "ربك" لأن الرب هو المربي، المدبر، الذي يرعاك من أول لحظة. وكأن الله يقول لك: أنا ربك الذي ربيتك بلطفه، فكيف أتركك الآن؟ 

كلمة "ربك" لوحدها حضن وأمان.

 عطاء الله أنواعه إيه؟

مش شرط يكون فلوس أو شغل، عطاء ربنا أوسع من خيالنا:

 عطاء المنع  يمنع عنك حاجة كنتِ هتموتي عليها، لأنه شايف شرها وانتي مش شايفاه، وده قمة العطاء.

الصبر: يرزقك قلب صابر يتحمل اللي محدش يتحمله.

عطاء الأشخاص يبعتلك ناس تحبك بصدق، تسندك من غير مصلحة.

عطاء الطمأنينة وده أغلى عطاء، أن تنامي وقلبك راضي ومطمن حتى لو الدنيا حواليكي ملخبطة.

مثال علي كدا 

سيدنا يعقوب بكى حتى ابيضت عيناه من الحزن على يوسف، ومرت سنين طويلة، الكل قال خلاص مستحيل يرجع، لكن "ولسوف يعطيك ربك فترضى" تحققت، رجع له يوسف وبقى عزيز مصر، وسجد له إخوته.

عطاؤه تأخر 40 سنة، لكن لما جاء، جاء عظيم لدرجة أنه نسي كل سنين الحزن.

انتي كمان، حلمك اللي اتأخر، دعوتك اللي بقالك سنين بتدعيها، حقك اللي اتاخد منك، كل ده متسجل عند رب كريم لا ينسى.

 ماذا تفعل حتى يأتيكِ العطاء؟

1.  *الزمي سورة الضحى:* اقرأيها كل ما تحسي بضيق، هي سورة جبر الخواطر.

2.  *رددي الدعاء ده:* “اللهم ارزقني عطاءً يليق بكرمك حتى ترضى روحي”

3.  *اعملي ورد استغفار:* الاستغفار هو مفتاح الرزق اللي مقفول، “فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا”

*الخلاصة:*

الآية دي وعد إلهي، ووعد الله حق. ما عليكِ إلا أن تكمل طريقك وانت موقنةأن النهاية ستكون "فترضى".

سيعطيكِ، ليس لأنكِ تستحقين فقط، بل لأنه الكريم الذي لا يرد من لجأ إليه.

فاصبري، فما بعد الصبر إلا الرضا والجبر.