الحلقة الرابعة والعشرون من قصة فارس الاسلام

الحلقة الرابعة والعشرون من قصة #فارس_الاسلام
وصلنا ان النبي صل الله عليه وسلم فضل يروح للقبائل اللي جاية تحج عشان يدعيهم للاسلام،وعشان يكونوا ليه حماية بدل من المطعم بن عدي!
وللاسف مفيش ولا قبيلة وافقت انها تسمعه اصلا وتصدقه بسبب عمه ابو لهب!
الا قبيلة واحده اسمها"بني عامر"
القبيلة دي كانت قبيلة كبيرة وعزيزة وقوية!
لما النبي لقاهم بيسمعوله ومهتمين ،فضل عليه الصلاة والسلام يزين الاسلام في قلوبهم ونظرهم ويحاول يقنعهم انه الدين الحق بكل الطرق!
لحد ماواحد منهم وكان زعيم من زعمائهم اسمه -بيحرة ابن فراس-
كان بيتكلم مع الزعماء اللي معاه وبيكلم النبي في نفس الوقت
وكانه مقتنع بالموضوع سواء الاسلام او الحماية للنبي عليه الصلاة والسلام!
وقال كلمة عجيبه :
«وَاللهِ، لَوْ أَنِّي أَخَذْتُ هَذَا الْفَتَى مِنْ قُرَيْشٍ، لأَكَلْتُ بِهِ الْعَرَبَ»!

وده يعرفنا ان الرجل -بيحرة- ده كان عنده بعد نظر ، وعارف ان حكمة وفطنة النبي هتكون سبب في النصر!
وفكر انه لو دافع عن النبي وعن دينه بعد كده هيسيطر عالعرب ككل
وده طبعا بيدل انه كان ذكي بس كان انتهازي جدا
ومصلحجي
ياعني اقدم السبت عشان الاقي باقي الاسبوع !!
ياعني مكانش يهمه الدين ولا النبي نفسه! .انما اللي يهمه ، اللي هاخده من وراكم!
وكلامه للنبي كان بالنص:
«أَرَأَيْتَ إنْ نَحْنُ تَابَعْنَاكَ عَلَى أمْرِكَ، ثُمَّ أَظْهَرَكَ اللهُ عَلَى مَنْ خَالَفَكَ، أَيَكُونُ لَنَا الأَمْرُ مِنْ بَعْدِكَ؟»
وده معناه اننا لو نصرناك وحميناك وبقيت قوي ،بعد وفاتك هنورث الخلافه والزعامه دي!
طبعا النبي صل اللي عليه وسلم رد بحكمة وفطنه عشان ميوعدهمش وميخسرهمش في نفس الوقت
قال صل الله عليه وسلم :
 «الأَمْرُ إِلَى اللهِ، يَضَعُهُ حَيْثُ يَشَاءُ»!
وده لان النبي صل الله عليه وسلم كان بيقلق من اللي بيحب الزعامه والرياسه
وكان ديما كل اللي يطلب يكون زعيم ماينولوش ده!
ممكن يدي اي مقابل واي فلوس ومايهموش
الا ان حد يطلب مقابل خدمة للاسلام او للنبي انه يكون ريس او زعيم، وده طبعا بسبب ان الزعيم والرئيس بيكون قدوة وبيخلي الناس تتبعه، فان كان علي ضلال الناس هتكون وراه وهكذا. ..
وفيه امثله كتير علي كده بين النبي والصحابه زي مثلا
ابو ذر الغفاري

قال أبو ذر الغفاري رضي الله عنه: قُلْتُ: يَا رَسُولَ اللهِ، أَلَا تَسْتَعْمِلْنِي؟ فَضَرَبَ بِيَدِهِ عَلَى مِنْكَبِي ثمَّ قَالَ: «يَا أَبَا ذَرٍّ، إِنَّكَ ضَعِيفٌ، وَإِنَّهَا أَمَانَةٌ، وَإِنَّهَا يَوْمَ الْقِيَامَةِ خِزْيٌ وَنَدَامَةٌ إِلَّا مَنْ أَخَذَهَا بِحَقِّهَا، وَأَدَّى الَّذِي عَلَيْهِ فِيهَا"

والنبي بعد كده ماخليهاش مجرد نصيحة ! لاااااا

ده بقت تشريع ثابت وامر لازم وحتما يتعمل، رفض الولاية للي يطلبها!

قال أبو موسى الأشعري رضي الله عنه: دَخَلْتُ عَلَى النَّبِيِّ صلى الله عليه وسلم أَنَا وَرَجُلانِ مِنْ بَنِي عَمِّي، فَقَالَ أَحَدُ الرَّجُلَيْنِ: يَا رَسُولَ اللهِ، أَمِّرْنَا عَلَى بَعْضِ مَا وَلَّاكَ اللهُ عز وجل. وَقَالَ الآخَرُ مِثْلَ ذَلِكَ، فَقَالَ رَسُولُ اللهِ صلى الله عليه وسلم: «إِنَّا وَاللهِ لَا نُوَلِّي عَلَى هَذَا الْعَمَلِ أَحَدًا سَأَلَهُ، وَلَا أَحَدًا حَرَصَ عَلَيْهِ»
المهم ان لما النبي صل الله عليه وسلم قال ل-بيحرة- زعيم بني عامر
الجمله دي!
رفضوا الاسلام ورفضوا نصر وحماية النبي عليه الصلاة والسلام ، لان زي ما احنا قولنا هو ماكانش هممهم الاسلام
ولا النبي،، اد ماكان يهمهم الخلافه او الزعامة!

لكن النبي مملش وفضل مكمل الدعوة ومسيرته في دعوة حجاج مكة ....
يتبع....