الحلقة خمس وعشرون من قصة فارس الاسلام
الحلقة خمس وعشرون من قصة #فارس_الاسلام
بعد انتهاء السنة العاشرة من البعثة، وهي السنة العصيبه اللي مرت عالنبي بكل شئ صعب للاسف!
وكان اللي آمن بيه في السنه دي قليل اوي هو عداس وال4انفار من الجن!
وبدأت السنة الحادية عشر، ولسه النبي مكمل الدعوه للقبائل اللي جايه تحج، واغلبهم كان بيرفض يسمع الكلام زي ماقلنا بسبب ابو لهب وكلامه عالنبي معاهم!
ولكن السنة دي كانت احسن بكتير من السنة اللي فاتت، فمع اصرار النبي صل الله عليه وسلم للدعوه الى الله، لازم ربنا ينصره ولو بعد حين “
امن بيه في الوقت ده 4 اشخاص اتنين منهم مكانش ليهم دور بسبب انهم ماتوا بعد اسلامهم بوقت بسيط ...
واحد اسمه سويد ابن الصامت وكان شاعر في يثرب اللي هي المدينه حاليا!
والتاني اسمه
اياد ابن معاذ، وده كان طفل عمره بين ال12و13
وده وده ماتوا بعد اسلامهم بوقت قليل، فمكانش ليهم دور اوي! !
اما التالت والرابع كان ليهم دور كبير جدا
لان كل واحد منهم بعد اسلامه سبب في دخول قبيله كامله للاسلام!
الاول كان:
ابو ذر الغفاري رضي الله عنه، كان ابو ذر رجل من قبيلة غفار ودي قبيلة كانت عايشة قريب من يثرب اللي هي المدينة حاليا!
وكانت القبيلة دي مشهورة بقطع الطريق والسطو عالناس ..
وسبحان من ألآن قلب ابي ذر الغفاري!!
اسلم ابو ذر وراح لقبيلته بكل ما اوتي من قوة وعزم وزي ما النبي علمه، دعاهم
وربنا اراد لهم الهداية واسلمت كل قبيلة ابو ذر الغفاري رضي الله عنهم
وقال فيهم النبي صل الله عليه وسلم لما راح للمدينة بعد كده:
"غفار غفر الله لها"
والرجل الثاني للي اثر بعد كده في الاسلام في السنة دي تحديدا كان:
الطفيل بن عمرو الدوسي رضي الله عنه، وده بقى حكايته جميله جدا
هحكيها بعدين 😊
ولكن بعد ما اسلم الطفيل راح لقبيلته دوس وكانت عايشة في اليمن
وبعد مشوار طويل وقصة طويلة آمنت دوس كلها
وبعد كده لما هاجر النبي للمدينة خدهم كلهم وراحوا المدينه للنبي ،وكانوا حوالين 70 او80 عائلة !
والي حصل ده كان انجاز عظيم ،وكان سبب في ان الاسلام يجمد شوية
لان الفترة دي كان اسمها فترة الاستضعاف في مكة!
بعد كده النبي فكر ازاي يغير طريقة الدعوه للاسلام ،وازاي يكسب ميخسرش
وطبعا احنا عارفين اد ايه النبي كان يتصف بالفطنه وبعد النظر -صل الله عليه وسلم -
فخطط النبي خطه كانت سبب في تحول الحال 180 درجة
هنعرف الخطة دي المره الجايه
بس صلوا عالنبي 🤍
