الحلقة التالته من قصة فارس الاسلام
الحلقة التالته من قصة "فارس الاسلام"
طبعا وصلنا ان الست حليمة عماله تفكر ازاي تخلي الصبي اللي هي اخدته ده يفضل عايش معاها!
بعد تفكير طويل منها ومن جوزها كمان، اللي شاف الخير علي قدوم الطفل الجميل، ومكانش عاوزه يبعد عنهم من حبهم فيه وكمان من خوفهم على انه سر الغني والبركة اللي في حياتهم وان فعلا فعلا كان وش السعد عليهم!
قررت الست حليمة تروح لام الولد الجميل ده واخدته معاها، عشان تكون امينة برده، فوجئت الست حليمة وهي راحه مكة ان فيه وباء في اهلهم زي "كورنا كده " خافت عليه اوي،
واستأذنت امه ان محمد يقعد معاها كمان شوية، عشان الوباء ده !
كان سبب كبير ان ام محمد توافق على طلب الست حليمة من خوفها على ابنها محمد ،وشافت ان حليمة بتحب محمد وخايفه عليه كأنه ابنها فعلا ،وعشان شافت انها بقي ليها حق فيه ،بعد مارضع منها!
فرحت الست حليمة هي وجوزها "الحارث" بإن محمد هيفضل معاهم، وان الخير ووش الخير هيبقى ملازمهم !
وبالفعل عاش محمد مع الست حليمة وجوزها وهو مبسوط وسعيد، فهو معرفش اب وام غيرهم، كانوا بيعلموه رعي الغنم
وكان بيحب اخواته من امه حليمة، خصوصا الشيماء وعبد الله اخواته من الرضاعه!
كان بيخرج يلعب مع الاطفال الي حوالين الخيم بتاعتهم، ماهما كانوا عيشين في الصحرا، وكانت اسمها صحرا بني سعد
قعد معاهم لحد مابقى عنده 4سنين، والخير بيزيد علي قدوم وش الخير!
وفي يوم حصلت حاجة عجيبه اوووي، كان قاعد بيلعب مع اصحابه حوالين الاغنام اللي بيرعوها
فجأه جاله رجل غريب، اخد محمد من وسط الاطفال التانين
وهو مستغرب وخايف، والاطفال كمان مستغربين
شافوا الراجل بيفتح صدره بشئ وهو مغمض ،راحوا جري للست حليمة وزوجها، قالولها محمد اتقتل!
رجل غريب قتله وفتح صدره وبياخد قلبه!
الست حليمة وشها اتخطف، وقلبها وقع في رجلها،مش بس عشان هو طفل واخد قلبها، لا ده عشان امانه كمان في رقبتها
هتقول لامه ايه! !!!
راحت بسرعه عند مكانه ، والمفآجأه انها لقيته كويس، بتبص علي صدره، لقت صدره كانه اتفتح فعلا وكان متخيط! !
اللي حصل ان الراجل ده اخد، قلبه طلع منه نقطة سوده، وغسله بمية زمزم، ورجع قلبه تاني، وهو بيقول هذا حظ الشيطان منك يا محمد! !
راحت الست حليمة جري وهي مرعوبه ان ممكن حياته تكون في خطر!
خافت عليه وخافت عالامانه وعلى مسآءلتها من اهله، ورجعته لامه وحكيتلها اللي حصل عشان تفهمها انها خايفه عليه
فكرت امه في الكلام، واتاكدت ان محمد ده فيه شئ غريب
من وهي بتولده. بسبب النور اللي كان بيخرج من رحمها !!
ازاي الحكاية دي وازاي فضل عايش، ده اللي هنعرفه بعدين!
يتبع...
##مريم_شريف_mariam_sherif
#
