الحلقة الحادية عشر من قصة فارس الاسلام

الحلقة الحادية عشر من قصة #فارس_الاسلام

بعد ما رجع محمد جري. لبيته وهو خايف وبيترعش
خديجة طمنته وحضنته وغطته لما هو طلب!
وكان قلبها خايف عليه وقلقانه جدا من شكله
ياترى مالك يا محمد وخايف من ايه؟!
ولكن ماحاولتش تقلقه وسبته ينام ويرتاح، وصبرت نفسه انه لمايصحى هيحكلها!
وبالفعل قعدت تستناه لحد ماصحي من النوم“
جرت ملهوفه عليه،  انت كويس يا محمد؟ !
قالها ايوه بس! !
وباين علي وشه الخوف والقلق، وبعدين قرر يحكلها عشان يرتاح
طمنته لما سمعت ايه الحكاية. وقالتله متخافش اوعى تخاف
انت قوي واكيد ده خير مش شر
تعالى نروح لـ ابن عمي نسأله
هو مسيحي وبيقرأ في الانجيل وبيدرسه
تعالى نروح نسأله ايه الكلام الغريب ده اللي انت سمعته!!
واكيد هيكون عنده الجواب!
وابن عم خديجة كان اسمه "ورقة ابن نوفل " قالتله ارتاح وانا هروح اسأله "
ومكدبتش خبر وراحت فورا لابن عمها ورقة! ! 
سلمت عليه خديجة 
وقالتله ان محمد حصله حاجة غريبه النهارده
وعاوزين نطمن منك
وحكتله اللي حصل
ووصفت  الملك اللي شافه محمد، وقالتله الكلام اللي محمد سمعه من الملك ده! !
رد ورقة وقالها
هتصدقيني، ان ده الناموس الاكبر اللي نزل على سيدنا موسى عليه السلام
وان محمد هيكون نبي هذه الامة
ضحكت خديجة من الفرحة وقالتله انت متاد
قالها متأكد وهتشوفي
جرت جري تحكي لـ محمد اللي سمعته من ورقة ابن عمها
وقالتله لو انت نبي هذه الامة
انا اؤمن بك "واشهد انك نبي هذه الامة ورسولها ..
ابتسم محمد وقلبه اطمن
وراح يطوف بالكعبه وهو بيفكر في الكلام اللي سمعه!
وهو بيطوف قابل في وشه ورقة ابن نوفل
ابن عم خديجة، واللي بشرهم بالبشرة الجميلة دي!
قاله ازيك يا محمد ، ايه اللي حصل، عاوز اسمع منك! 
حكاله محمد اللي حصل مره تانيه
رد عليه ورقة وقاله:
ابشر ثم ابشر ثم ابشر فإني اؤمن انك الرسول الذي بشر به عيسى الذي قال فيه ورسول يأتي من بعدي اسمه احمد ،فأنا اشهد انك انت احمد النبي والرسول ،وعندما تؤمر بالقتال، سأقاتل معك
وفضل محمد يستنى الوحي ينزل عليه تاني
مابينزلش
يروح يتعبد في الغار كل يوم، ويطول هناك عشان الملك ينزل يكلمه
مفيش
وبدأ يحزن جدا ،تخيلوا انقطع الوحي عنه سنة ونص او سنتين لدرجة انه فكر ان الكلام ده مش حقيقي !
ولكنه فضل مستني وعنده امل
وكل يوم يروح الغار يتعبد زي ما اتعود...
يتبع،،،،،،