من تكريت للقدس.. حكاية القائد صلاح الدين الأيوبي

صلاح الدين الأيوبي وحملاته ع الصليبيين

لما نقول صلاح الدين الأيوبي احنا ب نتكلم عن واحد من أعظم القادة اللي عرفتهم الأمة الإسلامية. الراجل ده مش بس كان قائد عسكري شاطر لكن كمان كان سياسي حكيم وده اللي خلاه يقدر يوحد المسلمين وقت ما كانوا متفرقين ومهزومين قدام جيوش الصليبيين
البداية والنشأة

صلاح الدين اتولد سنة 1137م في مدينة تكريت بالعراق أصله كردي لكن عاش واتربى في الشام وده خلاه يتأثر بجو العلم والجهاد هناك من صغره كان ب يحب العلم و الدين وكان بيميل كمان للفروسية و الحرب واشتغل مع عمه شيركوه اللي كان واحد من قادة جيش نور الدين محمود سلطان الشام وقتها
من خلال رحلاته مع عمو صلاح الدين اتعلم فنون القتال و السياسة ولما بقى عندوا خبرة كافية بقى القائد الأول لجيوش مصر بعد ما دخلها مع شيركوه ومع مرور الوقت مسك الحكم في مصر وبعدها قدر يوسع نفوذ حكموه لحد ما جمع مصر والشام واليمن تحت راية واحدة

حال المسلمين قبلوه

قبل ما يطلع صلاح الدين على الساحة المسلمين كانوا في وضع صعب جدا الصليبيين مسيطرين على مدن كتير زي القدس أنطاكية، الرها ، وطرابلس ، وكانوا عاملين ممالكهم الصليبية جوه اراضي الشام وكمان المسلمين نفسهم كانوا متفرقين مصر لوحدها ، الشام لوحدها، و الحجاز و اليمن بعيد التفرق ده كان أكبر نقطة ضعف

حملة صلاح الدين ضد الصليبيين

صلاح الدين فهم إن مفيش أمل يواجه الصليبيين غير لو المسلمين بقوا ايد واحده بدا يوحد الصفوف يصلح الجيش ويقوي الاقتصاد عشان يقدر يحارب
اشهر معركة خاضها هي: معركة حطين سنة 1187م 
المعركة دي كانت نقطة التحول الصليبيين جمعوا جيش ضخم بقيادة ملك بيت المقدس جاي دي لوزنيان لكن صلاح الدين لعبها بذكاء قطع عليهم الميه وحاصرهم في الحر لحد ما ضعفوا وبعدها هجم عليهم وانتصر انتصار ساحق آلاف من الصليبيين تقتلوا وكبار قادتهم بقوا اسراء حرب
بعد حطين الطريق اتفتح  للقدس وفعلا دخل القدس بعد 90 سنة من الاحتلال الصليبي وهنا ظهرت عظمة صلاح الدين دخل المدينة من غير ما يعمل مذابح بالعكس سمح للمسيحيين اللي عايزين يمشوا إنهم يمشوا بسلام واللي عايز يفضل يفضل وده كان عكس اللي عمله الصليبيين زمان لما دخلوها وقتلوا الآلاف من المسلمين

الحملة الصليبية التالته

بعد ما صلاح الدين حرر القدس أوروبا كلها ات جننت الملوك الكبار زي ريتشارد قلب الأسد من انجلترا و فليب أغسطس من فرنسا طلعوا الحملة الصليبية التالته عشان يسترجعوا القدس المعارك بين صلاح الدين وريتشارد قلب الأسد كانت مشهورة جدا ورغم ان ريتشارد كان قائد قوي لكنه ما قدرش يهزم صلاح الدين وفي الاخر اتفقوا على صلح واللي بموجبه فضلت القدس في ايد المسلمين مع السماح للحجاج المسيحيين يزوروه

شخصية صلاح الدين
اللي يميز صلاح الدين مش بس انتصاراته العسكرية لكن كمان أخلاقه كان متواضع جدا عادل و ما كإنش ب يحب المظاهر عاش حياة بسيطة، ولما مات سنة 1193م في دمشق، ما سأبش وراه غير شويه حاجات بسيطة جدا مع انو كان سلطان على نص العالم الإسلامي تقريبا

تأثيره في التاريخ

صلاح الدين فضل رمز للقوة والوحدة أعداؤه نفسهم كانوا ب يحترموه وكتبوا عن شجاعته وعدله لحد النها رده أي حد يتكلم عن تحرير القدس أو عن مقاومة الاحتلال لازم يفتكر اسم صلاح الدين الأيوبي

الخاتمة

صلاح الدين كان قائد بمعنى الكلمة جمع بين الذكاء العسكري، الحكمة السياسية، والأخلاق العالية عرف يوحد المسلمين في وقت صعب جدا ونجح يرجع القدس للمسلمين بعد ما ضاعت سنين طويلة. وده يفضل درس لينا ان الوحدة و القوة هي اللي بتخلي اي امة توقف قدام أعداءها