حاجات لو حفظت عليها هاتعيش في جنة

حياتنا مش ديما علي وتيرة وحده بين حزن وفرح وإطمئنان وخوف قلق وراحة بال لكن هي اولا واخيرا هي دنيا ومش دي دار البقاء لازم نأهل نفسنا لكده وندعي ربنا بستمرار أنه يقوينا ويعينا علي القرب منه والسعي للأعمال اللي نكسب بيها رضا ربنا ووقتها هانعيش في راحة بال واروحنا وتطمئن بوجود ربنا معانا في كل خطوة بنخطيها في حياتنا وأنه اي حاجة بتحصلنا من ابتلاءات ومهما طالت أنه ربنا بيمتحن إيمانه بيه وبقدره خيره وشره ولحكمة يعلمها هو عز وجل عشان كده لازم نطمن طول ماحنا قريبين من ربنا ودي اهم العبادات اللي  لو حافظت عليهم فـ انت هتعيش في جنة وربنا هيحفظك من كل شر وحسد وهايريح قلبك وعقلك ويكون معاك مفاتيح فرج وتيسير لكل امور حياتك.

1 / الصلاة في ميعادها ، الصلاة هي صلتك بالله عز وجل  ، وهي اول ما يحاسب عليه العبد يوم القيامة ف ماينفعش تبقي مسلم ومبتصليش💛

2 / ورد الذكر وخصوصا الحوقلة والصلاة على النبي والاستغفار ، كل ذكر من دول مش اقل 200 مرة اجتهد عشان الجنة  💛

3 / صلاة الضحي ، ميعادها من بعد شروق الشمس بـ تلت ساعة لحد قبل الظهر بـ تلت ساعة ، ثوابها 360 صدقة 💛

4 / اذكار الصباح والمساء والنوم ، حفظ من الله من اي شر او حسد او سحر او وساوس أو مصائب حاول ماتفوتهمش علي اد ماتقدر💛

5 / قيام الليل ، هيغير حياتك وهتلاقي نفسك في مكان عمرك ما كنت تتخيل أنك توصله في يوم من الايام ، دعواته بتحقق المعجزات ولو ركعتين كل يوم بس ماتفوتش ثوابه💛

6 / سورة البقره ، فيها البركه وحفظ للانسان من الاسحار والوساوس وتبطل اي سحر او عمل واذى وياسلام بقي لو قدرت تقرها كل يوم او علي الاقل كل ثلاث ايام مره  💛

7 / ورد القرآن ، ولو صفحتين بس ، واتعود انك تبدأ بيه يومك عشان يكون فيه بركة ، القران ده صحبك اللي هيستناك ف القبر وينوره ومش هيسيبك يوم القيامة إلا لما يشفعلك ويدخلك الجنة 💛

• 8/ الصدقة ، الصدقة دي سحر لو عندك حد تعبان أو مشكلة خرج صدقة وهتستغرب من اللي هيحصل ، وهي سبب م اسباب كثره الخير والرزق 💛