الحلقة احدى وعشرون من قصة #فارس_الاسلام

الحلقة احدى وعشرون من #فارس_الاسلام

بعد ان تزوج النبي عليه افضل الصلاة والسلام السيدة سوده
خف عنه الحمل بتاع بناته ومسؤليتهم شويه!
وكمان نفسيته هدت، وبدأ يستعيد نشاطه للدعوه الى الله عز وجل"
وقرر النبي عليه افضل الصلاة والسلام انه يروح للطائف يدعي اهلها لعبادة الله وحده،  ودي قرية كده جنب مكة على بعد 75 كيلو متر تقريبا من مكة!  
وده في السنة 11 من البعثة تقريبا“
قعد هناك 10 ايام تقريبا ولكن بدون فائدة، لانهم عذبوه ورفضوه ورفضوا الدين الجديد زي اهل مكة بالزبط بل يبكن اسوأ !
لان فيه ناس من اهل الطائف قعدوا يرمي عليه صل الله عليه وسلم الحجارة لحد ما كعبه اتعور عليه افضل الصلاة والسلام!
فرجع لمكة وهو راجع مر بمكان ساكن فيه بني ربيعه،،وشافوا النبي عليه الصلاة والسلام وهو مجروح في قدمه صل الله عليه وسلم
فقلبهم وجعهم عليه 
فبعتوله واحد نصراني اسمه عداس النصراني وقالوله خد للرجل المجروح ده عنقود من العنب !
وفعلا راح عداس للنبي وفي ايده العنب
واعطاه للنبي عليه الصلاة وازكى السلام ،فالنبي اخده وقال "بسم الله" وبدأ ياكل!
فاستغرب الغلام عداس وقال للنبي:
الكلام ده ايه، محدش هنا بيقول زيه؟!!!
رد النبي عليه الصلاة والسلام وقاله :
من اي البلاد انت ؟
رد عليه عداس
انا نصراني من نينوي"بلد بالعراق"
قاله : انت من قرية الرجل الصالح يونس بن متى؟!
استغرب عداس جدا وقاله:
ازاي تعرف يونس؟
رد النبي عليه الصلاة والسلام وقال:
انه اخي،  فقد كان نبيا ، وانا نبي '
سمع عداس الكلام، نزل فورا يبوس ايد النبي ورجله! !
فشافه واحد قاله مالك يا عداس
عمال تبوس رجل وايد الرجل ده ليه؟ !
قال عداس
يا سيدي ،مافي الارض شئ خير من هذا، لقد اخبرني بأمر لا يعلمه الا نبي!
وآمن الغلام عداس النصراني بدين التوحيد وبحبيبنا النبي عليه افضل الصلاة والسلام!
وسابه النبي ومشى عشان يرجع لمكة !
وصل النبي عليه افضل الصلاة والسلام لواد اسمه "نخله "
فاستراح فيه النبي عليه الصلاة وازكى السلام'
وقام في جوف الليل يصلي لله عز وجل وهو يقرأ القرءآن ..
جاله في الوقت ده سبع انفار من الجن 🫣
وقعدوا يسمعوا للقرءآن من النبي عليه الصلاة والسلام
ولما خلص النبي عليه الصلاة والسلام من الصلاه ،اعلنوا اسلامهم وايمانهم بالله عز وجل ومش بس كده لااا
دول بقوا دعاه لدين الله في اهلهم من الجن -اللهم احفظنا-😅
وبعدها نزلت سورة الجن اللي بتحكي اللي حصل ده !
-اقراوا سورة الجن هتلاقوا فيها التفاصيل -
والايات الكريمة بتعرفنا ان النبي عليه افضل الصلتة والسلام مكانش عارف باللي حصل
ولا شاف الجن ده
ولكن الله عز وجل عرفه باللي حصل ،عشان يطمنه انك منتصر ولو بعد حين،ومفيش حد يقدر يحول بينك وبين النصر حتى لو كان الجن نفسه!
وان الجن هو كمان آمن بيك ! فكانت بشرة عظيمة جدا للنبي عليه افضل الصلاة والسلام
وده في الاية اللي بتقول "وَمَنْ لا يُجِبْ دَاعِيَ اللَّهِ فَلَيْسَ بِمُعْجِزٍ فِي الْأَرْضِ وَلَيْسَ لَهُ مِنْ دُونِهِ أَوْلِيَاءُ أُولَئِكَ فِي ضَلالٍ مُبِينٍ "
ومشى النبي عليه افضل الصلاة واذكى السلام في طريقه لمكة وهو مهموم من اللي بيحصله من اهل بلده والناس اللي حواليه !
لحد ما قعد في مكان تاني اسمه "قرن الثعالب"
وده المكان اللي جاله فيه ملك الجبال !
بيبص النبي عليه الصلاة والسلام فوق لقى سحابه بتضلله
فلقى جبريل عليه السلام
بيقول يامحمد
ان الله قد سمع قول قومك لك ،وما ردوا عليك وقد بعث الله لك ملك الجبال لتأمره بما شئت فيهم!
ولقى النبي عليه الصلاة والسلام ملك الجبال بيسلم عليه وبيقول:
ان الله قد سمع قول قومك لك، وانا ملك الجبال، قد بعثني ربي اليك لتأمرني امرك ، وبما شئت، ان شئت ان اطبق عليهم الاخشبين فعلت 
رد النبي عليه افضل الصلاة والسلام وقال
"بل ارجوا ان يخرج الله من اصلابهم من يعبد الله، لا يشرك به شيئا "

ثم استظل النبي صل الله عليه وسلم تحت شجرة وصلى ركعتين ودعا بهذا الدعاء:
( اللهم إليك أشكو ضعف قوتي ، وقلة حيلتي ، وهواني على الناس ، أرحم الراحمين ، أنت أرحم الراحمين ، إلى من تكلني ، إلى عدو يتجهمني ، أو إلى قريب ملكته أمري ، إن لم تكن غضبان علي فلا أبالي ، غير أن عافيتك أوسع لي ، أعوذ بنور وجهك الذي أشرقت له الظلمات ، وصلح عليه أمر الدنيا والآخرة ، أن تنزل بي غضبك ، أو تحل علي سخطك ، لك العتبى حتى ترضى ، ولا حول ولا قوة إلا بك )
ثم دخل مكة وراح عند المطعم ابن عدي .....
يتبع .......