الحلقة الثالثة والعشرون من قصة فارس الاسلام

الحلقة الثالثة عشر من قصة #فارس_الاسلام 🤍

بدأ الرسول صل الله عليه وسلم الدعوه من جديد، بكل حماس ونشاط وطاقه، مع انه مر بظروف صعبه جدا الفتره اللي فاتت!
وطبعا كل ده مع حفاظه على بيته وولاده ومسؤليته تجاههم وتجاه زوجته سوده بنت زمعه “
وايام الجاهليه دي كان فيه حج للكعبه برده
بس طبعا طبعا مش زي حجنا احنا المسلمين! !
هما كانوا بيحجوا عشان الاصنام والالهة بتاعتهم "اللات والعزة ومناة"
ودول اشهر اصنام الكفار في مكة وقتها!
قرر النبي عليه الصلاة والسلام يدعي بالتوحيد القبائل اللي جايه تحج للكعبه!
هما برده ناس غريبه ،مش من اهل مكة، وميعرفوش العداوة اللي حاصله دي !
وكمان يبكن قلوبهم تكون الين من قلوب اهل مكة ويأمنوا بالنبي عليه الصلاة والسلام! !
والهدف التاني اللي النبي فكر فيه، ان الناس دي ممكن جدا تحميه، لو المطعم بن عدي ترك حمايته عليه الصلاة والسلام وده طبعا لو اسلموا!
وبالفعل خرج النبي عليه الصلاة والسلام يدعي بكل ما اوتي من قوة لدين التوحيد، وهو عبادة الله وحده لا شريك له! 
ذهب النبي لوفد "بني كلب" و"بني كندة" و "بني حنيفة"
وغيرهم كتير، ولكن للاسف محدش آمن منهم، بل رفضوا الدين الجديد لمجرد انهم بيعبدوا ماكان يعبد ابآءهم!
والسبب الاكبر لرفضهم الكلام اصلا!
ان ابو لهب عم النبي كان بيمشي وراه ويدخل معاه والنبي اول مايعرض عليهم الدين ،ويحببهم فيه، يطلع ابو لهب زي الشيطان، ويقعد يقنعهم انهم ميسمعوش اصلا، ولا يفكروا حتى في الكلام ويقولهم ده كلامه كله بدع ،فلا تطيعوه ولاتسمعوه! !
فيسألوا مين ده ؟
فيقولوا ده عمه! ! 
فأبسط حاجة يردوا و يقولوا اذا كان عمه بيقول عليه كده، يبقى فعلا هو كده، وللاسف يرفضوه!
ويروح ابو لهب مبسوط بنفسه اوي انه انتصر، ولكن مايعرفش انه بيحفر قبره بإيده.وان النصر جاي للنبي لا محاله من الخالق والاله الاعظم -سبحانه وتعالى-
وكل القبائل حصل معاها نفس الحوار، ورفضت النبي وكلامه -صل الله عليه وسلم-
الا قبيلة واحده اسمها قبيلة "بني عامر"
وهي من اعز قبائل العرب
دي القبيلة الوحيده اللي خدت الكلام على محكل من الجد، وبدأت تفكر فعلا في الدخول للاسلام، والنبي لما لقاهم بيستجيبوا، طلب منهم الحماية، وانهم ينصروه ويدافعوا عنه!
وكان زعيم القبيلة دي اسمه "بيحرة ابن فراس "
يا ترى ايه اللي هيحصل؟
ده اللي هنعرقوا المره الجايه .......
يتبع .....