انا بحب ربنا بس..............
بحب ربنا بس مبصليش وبخاف منه وعارفه ان الصلاه شئ مهم لكن مش قادره لحد لما اخدت القرار ودعيت ربنا يقويني
الحكايه ممكن ناس كتير جدا عرفها وعشيتها حكايه الالتزام واني نفسي اصلي والتزم بصلاتي
في الاول كده المفروض والصح ان الاب والام يربوا أولادهم علي حب الصلاه ويعرفهم ان ده ميعاد ربنا بيبقي عاوز يقابلك فيه فنحبب أولادنا في الوضوء الصح والوقفه الصح عشان نبدأ في الصلاه وان الصلاه دي اكبر دليل علي حبنا لربنا
لكن للأسف فيه أباء و أمهات بيستعملوا الضرب كتوجيه للصلاه انت مصلتش طب ليه واضرب
واحده واحده مفيش قدام الطفل غير حل واحد انه يكذب عشان يريح نفسه من الاهانه لكن بتفضل جواه سؤال طب وبعدين
فللأسف انتوا بس مش خليتوا أولادكم مبيصلوش لاء كمان عودتهم عالكذب ومش علبكم انتوا بس لاء وعلي نفسهم كمان الموضوع والحكايه عالفكره بيكبروا داخل الطفل وبيكر علي كده علي قد حبه لربنا علي قد انه مش قادر يواظب عالصلاه
والعمر يفضل ماشي علي كده مره نصلي ونحافظ و١٠ مفيش ونفضل ندعي ان ربنا يحببنا في الصلاه عشان احنا بنحب ربنا
لحد لما ناخد القرار الالتزام علي فكره مش بيبقي سهل انك تلتزم وشيطانك مش هيسيبك بس المعافره وانك لازم تصلي وفكرهانك بتتدعيه ازاي ونفسك يتقبل منك بجد حافز قوي فتقول لنفسك لازم اعبده بئا اشكره واقابله وقوله اللهم لك الحمد والشكر فمفيش حل غير انك تصلي
ونبدأ من هنا احلي طريق للالتزام واحلي إثبات انك بجد بتحب ربنا في انك تسمع ندأه فتلبي وتسافر عشان تلبي وتزعل جدا لو اتأخرت في تلبيه النداء
والفرحه انك بين ايديه لو فرحان او زعلان دعائك وانك عارف ومتأكد انه هيسمعك ونومك بالليل وانت مش خايف انك تموت وانت مقصر في حقه عليك
فلو سمحتوا حببوا اولادكم في الصلاه عرفوهم بهدوء انها عماد الدين عرفوهم انها من احب الاعمال الي الله مش بالنار والعذاب وكلام يبقي مرعب يأثر طول العمر علي الأطفال
وللي بيعافر افضل عافر واغلب شيطانك وقرب اكتر لربنا وربنا يثبتنا جميعا عالصلاه ويحببنا دايما فيها
