الخشوع فى الصلاة

الخشوع  في الصلاة.

🕋🔹️إعرف إنت واقف قدام مين🔹️🕋

🔸️كيف نصل لدرجة الإحسان فى الصلاة (الخشوع )؟؟؟
الإحسان،هو أن تعبد الله كأنك تراه، فإن لم تكن تراه فإنه يراك  .
كيف الوصول لهذه الدرجة ؟؟؟

🔸️ببساطة نعرف ونستشعر قدر وعظمة الله .لأنك لو عرفت قدر من وقفت بين يديه ما ذهب عقلك لشيئ سواه .

🔸️مثال  ،ولله المثل الأعلى .

👌لو إنت واقف قدام رئيس أو ملك من ملوك الدنيا من هيبة الموقف عمرك ماعقلك يسرح منك وإنت واقف قدامه ليه ؟؟؟

لأنك أعطيته عقلك كاملا لأن عقلك معترف كاملاً إن دا شخص مهم .
ولما عقلك عرفك إن دا شخص مهم ،
فالنتيجة إنك لو قربت منه فيه استفادة عظيمة ونقله كبيرة فى حياتك فبتصب كل تفكيرك وعقلك معاه . وأحياننا حتى لو ما فى مصلحة بس علشان الإعتراف بأهمية وسلطة الشخصية،فبياخد كل تركيز الحاضرين لانه حد مهم . 

فبالتالى وانت واقف قدامه،استحاله عقلك يسرح و يقلك 👇 ،

اه نسيت تشترى العيش .
اه  شفت فلان عمل ايه معاك .
اه وشفت فلانه قالت إيه عليك النهاردة  .
اه دا العيال دول عذبونى . 
اه لو زودوا بس المرتب شوية علشان يكفى .
اه ولبس العيال والدنيا والمصاريف . 
وممكن حد يسرح يحسب حساب كان ناسيه لو سرح جامد .

🔸️آه  و  آه  لوعرفنا قدر وعظمة من وقفنا بين يديه ( الله) ،   
والله الكل يخشع فى صلاته .ويسجد القلب خشوعاً  لعظمة الله .
إستحضر عظمة الله وحب الله ،وعرِف نفسك وعقلك هو مين .
(مالك الملك) ،( الله نور السموات والأرض).وكل مصلحتك معاه هو وبإيده هو سبحانه جل جلاله .

👌كل واحد فينا ينكش عقله كدا ويشوف بيسرح فى صلاته ولا لا 
ويسترجع فى قلبه عظمة الله .    

👌إستحضر عظمة الله بتدبر أسمائه الحسنى .
عرف عقلك وقلبك إن ربنا صاحب الفضل عليك ،أعطاك النعم التى لا تعد ولا تحصى ،وهو أهل إننا نحبه ونعظمة .🤲  
عرف عقلك أهمية ربنا إيه بالنسبة لك.

👌عرف عقلك  إن من غير ربنا طريقك فى الدنيا موحش ،
ومن غيره خسران فى الآخرة.

👌عرف عقلك انه فى ( جنة أو  نار )
فى قربك أو بعدك عن الله .

🤲دمتم موفقين وخاشعين وقانتين لله رب العالمين 🤲
🤲اللهم ردنا إليك رداً جميلاً🤲

د / إيمان جمال .😍

صل على الحبيب تسعد 😀
للعلا إستغفر👍