كيف يكون جزاء الإبتلاء

 كيف يكون جزاء الابتلاء 

🔹️إذا أحب الله عبداً إبتلاه🔹️

🔹️فكيف 👈(حباً وإبتلاء)
🔹️وما دليل الحب فى الابتلاء .

🔸️سؤل سيدنا النبى صلى الله عليه وسلم من أشد الناس إبتلاءاً يا رسول الله .قال الأنبياء فالامثل فالأمثل .
لو كان الابتلاء مجرد عقوبة او عدم حب ، ما كان ابتلى الله أحداً من الأنبياء لانهم أحسن البشر واحب البشر إلى الله  .
👌ولكن لأنه حباً كان لهم النصيب الأكبر فى الابتلاء .

🔸️وحدة وحدة نبسط الفكرة مع بعض .
ما معنى الابتلاء ؟؟؟
هو افتقاد لنعمه معينه إما أن تأخذ منه النعمة بعد ان رزق بها،
او لم يرزق النعمة هو فاقد لها فى الأصل.

👌اتفقنا إن إبتلاء يعنى فقد 
الفقد بيترتب عليه  إيه ؟؟؟
الفقد يترتب عليه شعور بالحزن أكيد .

🔸️الحزن بيعمل إيه للمبتلى ؟؟؟
هى الحته دى إللى فيها الجايزة 👇 
الحزن يترتب عليه( إستبصار  )للمبتلى .

🔸️يعنى إيه إستبصار 👇 
إدراك حقيقة الأمور خيرها وشرها .إستبانه وإتضاح للأمور.
يعنى بالعامية (بقى منور )قلبه بينور مع احساس حزن الفقد .
لانه بيعرف حقيقة حجم  الدنيا .بعدها يتصل القلب بقوة بالله .

لأن هو هنا صغر فى نظره حجم الدنيا وزاد إيمانه .
فترتب عليه سمو الروح على النفس .
أصبح روحانى يرى الأمور بعين البصيرة(منور)

🔸️بقيت الأمور إللى تزعل الناس جامد  هو مش بتزعله لانه عرف حقيقة الأمور. تستغرب عليه ازاى مستحمل و مبسوط وراضى. 
(ودا إللى وصل للرضا )فحق له الرضا . 

🔸️ وعادى تلاقيه وقت وقوع الابتلاء كإنسان(خُلِق الإنسان ضعيفا) وقت فوران الابتلاء يتألم ويحزن لكن برضا (لان الابتلاءات لها فورة )
وقت وقوعها بتبقى شديدة على النفس (بالظبط ذى الفوار )   .
وبعد هبوط فوران الابتلاء هو راضى ومرتاح لانه أدرك حقيقه الأمور 
تربت نفسه بالصبر على الفقد بسبب ما تعرض له من حزن.

🔸️أصبح عنده حكمه فى تصرفاته وأفكاره.
(لان ربنا نور له عقله وقلبه وروحه )إيمانه زاد بسبب تعلق قلبه بالله بعد ماعرف حقيقه الدنيا .

🔸️مثال... المبتلى فى صحته بيوصل انه بيشوف الدنيا قصاد فقده(الصحة )ولا تساوى جناح بعوضة فعلا زى ما ربنا وصفها .
لانه لو جبت له الدنيا كلها تحت رجليه مش هتسعده وهو بيتألم.
🔸️وتلاقى المبتلى أكثر تحملاً لان بيستمد طاقته من إتصاله بالله 
  ️
🔸️هنا يتضح لنا السبب فى إن الأنبياء أشد الناس ابتلاءاً.
السبب(والله اعلى وأعلم ) إن ربنا بينورهم ويزيد بصيرتهم فى فهم حقائق الأشياء  بيهيئهم ليتحملوا أعباء تبليغ أعظم رسالة .(التبليغ عن الله ) ولهم عظم الجزاء لأنهم أحباب الله .

ومن عدل ورحمة الله المكافأة الأعظم فى الآخرة 👇
بسم الله الرحمن الرحيم.
(إنما يوفى الصابرون أجرهم بغير حساب ) 
   
يعنى المبتلى ليه جايزة فى الدنيا وهى الإستبصار.
وجايزة فى الآخرة وهى الجزاء بغير حساب من عظم الجزاء لم يحدد (بغير حساب)
🔸️إذن الابتلاء للمبتلى منتهى الحب من الله .

🤲الله يعفو عنا وعنكم جميعاً، دايماً نطلب العفو من الله وما نتمنى الابتلاء لأننا ما نأمن أنفسنا وقت وقوع الابتلاء ترضى ام تجذع .
للسبب دا  سيدنا أبو بكر كان يقول  👇
(اللهم إجعلنا عبيد إحسان ولا تجعلنا عبيد إبتلاء)

🔸️أما من وقع عليه منا أى ابتلاء فهنيئاً لك بالنور الذى أمدك به النور (بعد الرضا ).
وتأكد بعد الرضا سيبهرك الله الذى أحبك بواسع العطاء .

دمتم فى حفظ الله وكنفه 🤲
د/ ايمان جمال 😍

صل على الحبيب تسعد 😀
للعلا إستغفر 👍