عد الي الله في كل وقت وحين

“عد إلى الله في كل وقت وحين ”

انظر أيها الانسان الي النعم الكثيره التي منحك الله إياها ألا تكفيك كل هذه النعم لتشكر الله عليها؟! لماذا إلي الآن إيها الانسان تلجأ لغير الله عندما تجد نفسك حزينا ومهموما؟ ألم تفكر يوما في ان الشكوه لغير الله مذله؟ ولماذا تلجأ للأغاني وتترك القرءان الذي هو شفاء هدى ورحمه؟؟ 

إذا أردت ان تتخلص من همومك قرب من الله( اي صلي_ اذكر الله_ اقرأ قرءان) صدقني إذا لجأت إلى الله في كل مره تكون مهموم وحزين فيها ستعود مجبور الخاطر وتجد راحة شديده لن تجدها في الاغاني ولا الشكوه لغير الله يعني بستغرب لي الناس بتلجأ دايما للأغاني وهي حزينه ومهمومه على الرغم ان الأغاني دي بتزود  االحزن والهم وغير كمان انها حرام طب لي تزود الهموم لنفسك والقرءان موجود  لا يوجد أبدا اجمل ولا أحلى من كلام الله ده حتى القرءان في شفاء للصدور وهدى ورحمة

تلجأ لربنا دايما ومستحيل ربنا يخذلك بالعكس هترجع مجبور وحاسس براحه نفسيه رهيبه جرب كده بس تكون مهموم او حزين وتقوم تتوضئ وتصلي او تسمع قرءان او تقرأ قرءان صدقني هتحس براحه نفسيه وهترجع ولا كأن كان في اي حاجه وتحس انك سعيد كده من جواك. 

مش في كل مره تحزن فيها وتكون مهموم تجري تفتح أغاني مش تخلي الشيطان في كل مره هو اللي يتحكم فيك ويسيطر عليك خليك أقوى منه واجري اشكي لربنا، ربنا مستحيل يخذلك أبدا بدام رجعتله ف اكيد اكيد هتعود مجبور الخاطر. 

خلي عندك ثقه كبيره في ربنا وحسن ظن بالله و اوعى تيأس أبدا. 

الغي كلمة يأس دي من حياة لأن بالقرب من الله ستجد كل ابواب الخير تفتح لك وستجد نفسك سعيد ولا تفكر كثيرا لأن كل شئ بيد الله ما عليك سوى السعي والدعاء  

احمد كده يابطل ربنا بيحبك علشان كده بيبتليك ف علشان كده اوعى تيأس وارجع دايما لربنا لأن ربنا بيبتليك علشان ترجعله وتعرف ان مافيش حد أحن على العبد من ربه ده حتى الله تعالى بيقول في كتابه

(ورحمتي وسعت كل شئ علما)

فاجمد كده وخلي عندك أمل وثقه كبيره في ربنا و خليك عارف ان ربنا هيجبر بخاطرك وهيستجيب طول ما انت بتدعيه

انا عارفه انك شطور وهتحاول بكل ما لديك من قوه انك تتغلب على الشيطان وتقرب من ربنا أكتر وتحافظ على علاقتك بربنا

خلى دايما شعارك هو “ لا حياة بدون القرب من الله"

وافتكر قول الله تعالى

(ومن أعرض عن ذكري فإن له معيشة ضنكا ونحشره يوم القيامة أعمى) 

ولازم تحتسب نفسك آخر كل يوم وتشوف اي الصلوات اللي ادتها واي الصلوات اللي اخرتها واي الصلوات اللي فاتت منك وتشوف عملت اي حاجه اذت حد وتحاول تصحح أخطائك اللي انت عملتها خلال اليوم يعني مثلا لو كنت غلطت في حد روح اعتذر له وصالحه انت مش ضامن عمرك ممكن الشخص اللي انت قولتله كلمه هي بالنسبه لك لا تعني شئ وممكن تكون شايفها هزار بس هي ضايقته مش يسامحك وييجي يقتص منك يوم القيامه وبعدين بعيدا عن كل ده لازم الانسان يتحلة بمكارم الاخلاق ويكون سيدنا محمد صلى الله عليه وسلم قدوه ليه في كل أفعاله واقواله لازم علشان ربنا يرضى عنك تتقي ربنا في كل شئ

حيث يقول الله تعالى في كتابه العزيز

“ ومن يتق الله يجعل الله مخرجا”

الانسان مننا دايما لازم يفكر هو اي رسالته على الارض وهو مخلوق لإي

يعني لو كل واحد فينا فكر انه مخلوق علشان عبادة ربنا واعمار الكون مش كان زمان حالنا كده 

لازم تبدأ تغير من نفسك وتاخد خطوه ايجابيه في حياتك لازم تقرب من ربنا ودي اول حاجه وتراعي ربنا في كل حاجه انت بتعمليها واي عمل بتعمله لازم تتقنه واي حاجه بتعمليها تكون لوجه الله مش تكون مثلا بنطلع صدقه قدام الناس علشان الناس تقول عليك كريم ومافيش زيك لا ده اسمه رياء  و دي حاجه مش حلوه نهائي لازم اي عمل انت بتعمله لازم تخلصه وتتقنه وتكون بتعمل الحاجه دي لوجه الله مش علشان كلام الناس ومدحهم ليك.