الحلقة التاسعه من قصة فارس الاسلام
الحلقة 9 من قصة "فارس الإسلام"
اتجوز محمد السيدة خديجة، وعاشوا مع بعض في بيت خديجة ،وطبعا كل رجالة قريش اللي كانوا هيموتوا ويتجوزوا خديجة كانوا مفروسين من انها فضلت محمد عليهم وهو يتيم !
كان اجدع واحد فيكي يا بلد يتمنى يتجوز خديجة من جمالها وغناها ونسبها وحكمتها
كانت كاملة مكملة 🌸
بعد ما اتجوزوا كانت امه واخته ومراته، كانت حنينه عليها جدا
وهو كان زوج ونعم الازواج، مفيش حد كان بيعامل مراته زي ما كان هو بيتعامل معاها
بحب وحنيه وتعاطف
عاشوا مع بعض احلى سنين عمرهم،وخديجة نفسها حست انها اول مره تتجوز وتشوف رجاله
لانه كان غير اللي اتجوزتهم قبليه،بل كان مختلف عن كل الرجال !!
كان امين على مالها يزوده مينقصوش،واحسن الناس خلقا معاها ومع غيرها!
وكان امنية حياتها تجبله ولد يرفع اسمه وبالفعل حملت خديجة من محمد “
جابت ولد جميل فرح بيه محمد جدا ،ماهو لاول مره هيكون أب ،وعشان هو يتيم الاب والام
كان بيتمنى يكون له عزوه كده تعوضه عن يتمه ده!
وطبعا خديجة فرحت لفرحه لدرجة انها حست انها اول مره تجيب اطفال!
قالتله هتسميه ايه يا محمد؟!
قالها هسميه "القاسم " عشان يكون لقبي "ابا القاسم "
قالتله اسم جميل يا "ابا القاسم "
وهي وشها احمر من الفرحة اكتر من حمرة وشها الطبيعي '
عاش محمد وهو سعيد بإبنه وزوجته
لحد سنه ونص مات القاسم فجأه وهو بيرضع!
كانت صدمه كبيره لامه خديجة ،كانت حزينه وبتبكي بحرقه
ومحمد كان حزين وكان بيبكي عليه وعلي بكاء امه!!
وحزن اكتر لما سمع واحد من اهل البلد اسمه العاص
بيقوله يا ابتر! وده معناه
ياللي مالكش ولد ولا سند!
وكان هو وخديجة مش قادرين يتكلموا من الصدمة، ولكن محمد عارف ان صدمة الام اكبر!
دخل عليها وقالها متزعليش هو في مكان احسن دلوقتي!
قالتله عارف لو كان كمل رضاعته كان قلبي اهدى من كده!
وقعدت تبكي!
قالها وهو في الجنة هيجيله مرضعه ترضعه!
اطمني وارتاحي!
وفعلا هدت بعد ماسمعت كلام محمد، وشافت صبره على موت ابنه !
فصبرت واحتسبت وعاشوا فتره بحزن لفراق رضيعهم!
لكن فضل لقب محمد باقي عمره "ابا القاسم"
بس الحزن ماقعدش كتير لما اكتشفت خديجة انها حامل للمره التانيه من محمد '
كانت طايره من الفرحة هي ومحمد ان ربنا هيعوضهم بطفل تاني.....
يتبع .....
القصة تستاهل لاڤ ✋🥰
وكومنت بالصلاه عالنبي 🤍
#فارس_الاسلام
#مريم_شريف_mariam_sherifض
