الحلقة الرابعة عشر من قصة فارس الاسلام
الحلقة الرابعة عشر من قصة #فارس_الاسلام
وصلنا الحلقه الي فاتت لما النبي محمد صل الله عليه وسلم اتحمس جدا
انه يبلغ كل اللي حواليه بدين الاسلام
اللي هو الدين الحق وان الله واحد لا ثاني له وانه نبيه وحبيبه
خصوصا بعد ما آمن بيه اهل بيته، السيدة خديجة وابن عمه الصغير علي وكمان زيد بن حارثه خادمه ومولاه '
وكمان بناته الثلاثه زينب ورقية وام كلثوم 🤍
ومع ذالك قرر النبي انه يدعي للاسلام في السر!
ليه بقى
عشان مكة دي كانت منارة الكفر ايامها وكانت الناس بتحج الكعبه برده
بس مش زي الحج بتاعنا احنا المسلمين
لاااا
دول كانوا بيحجوا عشان الاصنام والتماثيل اللي كانت ماليه البلد خصوصا خصوصا قدام الكعبه
وطبعا لو حد ظهر كده وقالهم شيلوا الحاجات دي ومفيش حاجة اسمها آلهة هيثورا عليه ومش بعيد يقتلوه وقتها
ازاي حد يتطاول على الآلهة بتاعتهم دي !
دي العبادة اللي اتولدوا عليها والا ابائهم مربينهم عليها
تخيلوا الانتماء اللي هيكونوا عليه بقى تجاه دينهم ده!
فحكمة النبي صل الله عليه وسلم كانت في انه يدعي القريبين اللي مطمن انهم مش هيأذوه لو حتى ما آمنوش بيه!!
اول حد فكر فيه بعد ما آمن بيه اهل بيته هو صاحبه وحبيبه ابو بكر "عبد الله"
ومجرد ابو بكر ما سمع كلام النبي صدقه عالطول
وقال بكل حب ويقين "اشهد ان لا اله الا الله وانك يا محمد نبي الله ورسوله "
فرح النبي محمد صل الله عليه وسلم بإسلام ابو بكر
لان ابو بكر ده مش حد قليل في البلد لاااااا
ده كان رجل من اعظم رجال مكة وكان محبوب جدا من اهل البلد
وكان تاجر معروف ليه شنه ورنه ومش بس كده لاااا
ده كان مثقف وعلمه مش قليل
فكل اللي كان يحب يتثقف ويتعلم يقعد مع ابو بكر يكتسب شوية من علمه ده!
عشان كده اسلامه كان حاجة عظيمة جدا، لان بمعارفه اللي بيحبوه الاسلام هينتشر
وبالفعل بدأ ابو بكر يدعي للاسلام في الخفاء مع النبي
وكل يوم الاعداد تزيد وتزيد اي نعم كانت بتزيد ببطء لكن المرحلة دي كانت من اهم المراحل للدين العظيم اللي هو دين الاسلام
المرحلة دي اسمها "فجر الاسلام!"
وسادة مكة مش دريانين باللي بيحصل وده بقى اللي خلا الدعوة تستمر طول التلت سنين اللي الدعوه فيهم كانت سرية
ومن الناس اللي آمنت على ايد ابو بكر واللي كانوا من اوائل المسلمين الرجال
واللي ليهم بصمة في دين الاسلام
هم عثمان ابن عفان وعبد الرحمن ابن عوف وسعد ابن ابي وقاص والزبير ابن العوام وطلحة ابن عبيد الله رضي الله عنهم جميعا
وكل اما حد منهم يدخل دين الاسلام يمسك معاهم الدعوة
ويكلفهم النبي بالناس اللي هيروحلهم ويدعوهم للدين الجديد
لكن بحرص وحذر احنا مش عاوزين اسياد مكة يعرفوا حاجة عشان هيبهدلوا الدنيا لو شموا خبر
وبدا الوحي كل يوم ينزل عالنبي يعلمه تعاليم الدين الجديد
وبعد ما الاعداد زادت
والبيت بتاع السيدة خديجة ضاقت عالناس
وبقوا ملفتين للنظر. جدااا
قرر النبي انه هيختار حد من الصحابه يكون بعيد عن العين وميخطرش على بالهم انهم بيتجمعوا عنده ..
يتبع .......
